Herzlich Willkommen auf dickschädlat.at

Innviertl-Frühling -
Was prödign s' denn?
Dáß már all nach'n Tod
Wieder aufástehn!

A jeds Grásl und Blüamel,
Das blingátzt dárs zua,
Und daß's koans übásiegt,
Döswögn wachsen so gnua!

Und d`Vögel vokündens
Und singáns hellaut,
Dáß oans hert mit'n Ohrn,
Das mit'n Augnán nöt schaut.

Und so schen, wie rán Mai,
Bschreibn sö 's zuakünfti Löbn -
Sagts má, kanns denn á schenere Prödi nu göbn!

Franz Stelzhamer, aus: Dö Vier